Legutioko herriak aurtengo Arabako Herriarteko 39. edizioko garailea suertatu da. Aurreko bi urteetan ez bezala, bere segidako hirugarren finalera itxaron behar izan dute garaipena lortzeko. Gaztetxo mailako partida borrokatua izan da baina markagailuko emaitzak ez du kantxan gertatutako erakutsi eta 22-04 gehiegizkoa izan da. Hala ere, aurrelari bezala jokatzen zuen Obregonek aldea markatzen du oraindik. Gazte mailako partidua finaleko erakargarriena izan da, Aitzol Dorronsoro Amurrioko aurrelari ausartak goizeko protagonista bihurtu zen eta pilotalekura hurbildu ziren ia 1000 zaleek dardararazi zituen. Orduan, nagusietako partida erabakiorra bihurtzen zen, eta hasieratik partidu borrokatuena eta irekiena zirudiena irudikapenean soilik geratu zen. Amurrioko bikoteak, arabako lurraldeko txapelketaren azpitxapeldunek, bere ohiko mailatik urruti egon ziren eta Arabako Herriarteko Txapelketaren tituloa LEGUTIOkoen esku aise utzi zuten. ZORIONAK HERRI PARTEHARTZAILE GUZTIEI.

Iragandako larunbatean (Ekainak 20) Zaramagako eta Adurtzako pilotalekuetan, jolastu ziren finalekin batera amaitutzat eman genuen XII. Promozio Txapelketa. Finalen emaitzak gure web orrialdean kontsulta ditzakezue; txapelketaren ohorezko taula ikusi nahi baduzue sakatu [hemen]. Era berean, laister sari banaketaren argazkiak ikusi ahal izango dituzue gure orrialdeko argazki galerian. Zuen laguntza, esfortzua eta ilusioa eskertu nahi dizkizuegu guztioi (pelotariak, familiak, begiraleak...), hauek gabe ezinezkoa izango litzatekelako txapelketa aurrera eramatea. Mila esker guztioi eta hurrengo urtera arte!!!!!!!!!!!

Bihar ospatzen dira paletako modalitateetan banaka jokatzen diren txapelketaren finalak. Jaialdiari hasiera emateko Txesto eta Solana mexikarrak kontsolazio finalean arituko dira larruzko paletan. Bigarren partidan, paleta argentinako finalean, J. R. Goñik saiatuko da bigarren urtez jarraian garaipena lortzen. Gauza bera gertatzen da larruzko paletako finalean, Sergio, iazko txapelduna, tituloa berresten saiatuko da baina I. Arrietak momentu onean dagoela erakutsi du eta final irekia espero da.