Aurkeztu da jadanik aurtengo G.R.A.V.N.eko Txapelketan ARABAk izango duen selekzioa. Hauek izango dira gazte, 22-azpiko eta nagusi mailan lehiaketan parte hartuko diren jokamoldeak: Frontoian: paleta goma emakumeak eta gizonak, larruzko paleta, pala motza, eskuz banaka eta binaka, zesta punta eta pala. Trinketean: eskuz binaka eta banaka, emakume eta gizonezkoen paleta argentinoa, eta paleta larruz. [jokamolde bakoitzen argazkiak]

Zuen eskura daukazue 14.jardunaldirako iragarrita dagoen programazioa. Larunbatean Mendizorrotzako Beti Jai frontoietan, Adurtzan eta Lakuan partiduak izango dira; igandean berriz Haurrak A1-A2 eta Gaztetxoak A mailetako eskuz banakako finalaurdenak jokatuko dira. Era berean, eskuzko Kimuak B - C mailako pilotariek DETEKZIO JARDUERAK izango dituzte larunbat goizean (jardunaldia ikusi); eskertuko genizueke lehenbailehen abisatzea zuen pilotariren batek ezin badu parte hartu, programazioak berrontalu ahal izateko. Bestalde, larunbatean, pilota eskoletan izena emanda dauden pilotari PREBENJAMIN guztientzako "TOPAKETA" antolatuko dugu. 11:00etatik 12:30ak arte pilota jolasekin (esku, pala eta zesta pote) gozatzeko aukera izango dute Ogeta pilotalekuan. Eskertuko genizueke zuen pilotariak abisatzea eta haien partehartzea konfirmatzea.

ZIDORRAko Klubak eskuratu du aurten larruzko paleta eta pala motzeko Euskal Herriko Kluben arteko Txapelketaren tituluak, gainera Iñigo Arrietaren lana azpimarratu behar da bi partidetan garaipena eskuratu baitzuen. Zesta puntako Gasteiz Jai-Alairi ozta-ozta ihes egin zion titulua 30-35eko markagailuaren ohorezko mailan; eskuko jokamoldean Txukun Lakuako 22-azpiko bikoteak (Mendinueta - Cueva) garaipena eskuratu zuten Tolosako Beotibarrean. Hauek dira Arabatik, klubek lortu dituzten emaitzak gehi Aiarako paletako neska gazteek duela 2 hilabete eskuraturako azpitxapelketa. ZORIONAK GUZTIOI!!!